O Rincón da Fantasía

A CAIXIÑA DOS MISTOS NO AREALONGA

2011-05-21T18:25:00.000+02:00

NO CEIP AREALONGA ESTAMOS A CELEBRAR A SEMANA DAS LETRAS GALEGAS.

Algo tan importante non queriamos que pasara sen máis, así que invitamos a vir ao Arealonga, nada máis e nada menos que a mesmisima roulotte da "CAIXIÑA DOS MISTOS".

Xa estamos a desfrutar todos desta experiencia e para que saibades de que vai ahí deixamos un enlace. NON O PERDADES!

http://www.caixadosmistos.com/

O MEU GATO É UN POETA. Fran Alonso.

2011-03-27T11:35:00.005+02:00

Non o podedes perder, vaivos sorprender, paréceme un plantexamento moi orixinal. Temos que apuntalo na lista de libros que estamos elaborando:

ENTROIDO 2011

2011-03-14T12:47:00.002+01:00

Entroido na Escardia!
Para festexar o Entroido no cole levamos a cabo diferentes actividades: cada curso cantou unha comparsa con letras divertidas que nos fixeron rir a todos; xogamos no patio ao baile da mazá, das sillas e ao final todo o cole bailou ao ritmo da profe de inglés. Para rematar a mañá saboreamos o tradicional chocolate con churros.
Pasámolo xenial!!!

8 DE MARZO

2011-03-08T16:23:00.000+01:00

DÍA DA MULLER TRABALLADORA:

This free picture slideshow made with Smilebox

MATRIMONIO ARNOLFINI

2011-03-08T10:23:00.004+01:00

Co permiso do CEIP Esteiro enlazamos este recurso que nos parece moi interesante: Mira que te mira:

Mira que te mira! on Prezi

ENTUSIASMO

2011-03-04T21:44:00.005+01:00

Feliz Entroido a tod@s e que volvamos coas pilas cargadas para rematar con éxito o 2º trimestre.

ENTROIDO 2011

2011-03-04T18:14:00.000+01:00

No cole de Carril, @s máis cativ@s ibamos así de guapos. Pasámolo moi pero que moi ben... xa estamos desexando que chegue o ano que ven... Aquí vos deixamos este agasallo. Feliz Entroido a tod@s.

ENTROIDO 2011 - presentacion imagenes

INVESTIGA NA BIBLIOTECA

2011-02-28T23:53:00.005+01:00

Ola amigos e amigas de BIBLIOAROUSA, dende o CEIP O PIÑEIRIÑO queremos invitarvos a xogar con todos nos. Deixámosvos unha imaxe para que lle busquedes un título, que vos pareza adecuado, ou simplemente que vos guste.
Deixádenos os vosos comentarios coa resposta, mais adiante descubriremos unha serie de pistas e tarefas para seguir xogando.

EL SECRETO

2011-02-28T17:53:00.000+01:00

Un pequeño cuento para relajarse y disfrutar...

VISITA DE AUTORES

2011-02-27T21:27:00.003+01:00

Seguindo coa visita de autores, os de 1º ciclo disfrutaron da presenza de Ricardo Alcántara , despois de ler e rescribir os seus libros "Quién recoge las cacas del perro" e "Quién ayuda en casa", tamén fixeron murais alusivos a tales libros.

ENTROIDO

2011-02-27T19:37:00.004+01:00

Algúns animais están probando xa cómo lles quedan as máscaras:

ROSALÍA DE CASTRO

2011-02-24T18:41:00.000+01:00

DENDE AQUÍ ESTA PEQUENA HOMENAXE A UNHA DAS MULLERES MÁIS IMPORTANTES DA NOSA TERRA!

2011-02-24T00:24:00.002+01:00

Na biblioteca do CEIP A Lomba recordamos a data de nacemento da célebre escritora galega Rosalía de Castro.

A nosa mascota, tamén chamada Rosalía, invítanos a coñecer, un pouco máis, a esta poetisa. Anímate a entrar na biblioteca e averiguar algo máis sobre ROSALÍA DE CASTRO.

RECOMENDACIÓNS

2011-02-20T22:37:00.005+01:00

Seguindo coas recomendcións de libros de amor é moi interesante o álbum "Cuentos silenciosos" da editorial edelvives.

AMOR ENTRE MASCOTAS

2011-02-20T20:05:00.002+01:00

San Valentín pasou tamén polas bibliotecas e lanzou flechas entre as nosas mascotas, unha delas tocoulle a Sabela, a mascota da biblioteca do CEIP de Rubiáns. Como Sabela sabía moi ben por quen suspiraba o seu corazón, enviulle unha carta a Colorín, a mascota do CEIP Vilaxoán.
Cando Colorín leu a carta púxose moi contento e contoullo a todos os alumn@s do colexio. Os de Infantil dixeron que a súa historia de amor era imposible, nin o cabaliño de mar podía subir as árbores, nin o esquío podía bucear. Pero os nen@s de 5º estaban entusiasmados e escribiron algunhas cartas de amor en nome de Colorín e aquí as enviamos para que Sabela teña a súa resposta.

Open publication - Free publishing - More carta

UN PEQUENIÑO DESCANSO...

2011-02-14T19:39:00.001+01:00

VISITA DE BEATRIZ FRAGA

2011-02-14T12:00:00.000+01:00

Seguindo coa visita dos autores, o pasado venres estivo con cos nenos e nenas de Educación Infantil, Beatriz Fraga, autora do conto "Marcelo o morcego". Beatriz agasallounos coa súa presencia relatándolles o conto.
Todos os nenos recibiron a Beatriz disfrazados cunha careta de Marcelo e os nenos e nenas de 4 anos ilustraron unha nova versión do conto titulada "A morcega Marcelina".

VISITA DE GISBERT

2011-02-14T11:59:00.000+01:00

Neste curso estamos traballando difentes autores por niveis. No 2º e 3º ciclo lemos diferentes libros de Gisbert: "El palacio de los tres ojos", "Agualuna" e "El bosque de los desaparecidos". Fixemos diferentes traballos sobre os libros: descripcións das personaxes, invención de contos fantásticos, cómics... Como remate visitounos o autor dos libros. Os nenos quedaron encantados coa visita!

ADIVINA CUÁNTO TE QUIERO

2011-02-09T21:25:00.002+01:00

Deixamos este enlace para que disfrutedes un ratiño...

MÁIS DE AMOR...

2011-02-09T18:47:00.000+01:00

La señorita Enriqueta es una joven muy coqueta. El señor Gabriel va siempre como un pincel... Pero... ¡ay, qué desventura! ¡Un botón se ha dado a la fuga! Y lo salen a buscar. Quién sabe adónde los llevarán los hilos del destino...

Unha fermosísima e entretida historia de amor...

RECOMENDACIÓNS LITERARIAS

2011-02-09T17:38:00.006+01:00

As lecturas que elixamos para calquer nivel deberán poder dar resposta as inquedanzas e preferenzas do grupo.
Xa que estamos en febreiro, mes do amor, e o noso alumnado é moi namoradizo se queremos traballar dito tema deberemos ter presentes os seguintes títulos: El nudo del afecto,Enamorados,Taller de corazóns, Amantes mariposa...

Admítense recomendacións

biblioarousa

View more presentations or Upload your own.

2011-02-09T17:31:00.003+01:00

Ola amig@s de Biblioarousa!!

Dende o CEIP de Corvillón unímonos a este blog para compartir os acontecementos que teñen lugar na nosa biblioteca. Eu chámome Corviteka e son un ser acuático que habita nas profundidades do mar de letras do noso colexio.

Espero participar en moitas experiencias con vos!!

Día do libro

2010-05-03T21:38:00.004+02:00

No C.E.I.P. A Escardia no día do libro contamos coa presenza do autor e ilustrador Abraham Carreiro. Fíxonos algúns dos personaxes dos seus libros: O cazador de Cambodia, Latcho Drom, A pel de crocodilo e As espiñas do porco espiño.
Conxuntamente coas diferentes bibliotecas de Vilagarcía fixemos unha selección de libros que nos parecían interesantes que os nenos coñeceran e animalos a través de carteis alusivos a ditos libros(textos, debuxos, título e autor ou tejuelo) a que os buscasen na biblioteca.

DIA DO LIBRO

2010-04-27T17:39:00.014+02:00

Encontramos ente enlace na rede e pareceunos moi interesante para traballar durante este mes de abril co noso alumnado.

Pulicouno a "Junta de Andalucia" . Esperamos que pasedes un bo rato navegando por aquí.

DÍA DA PAZ NO AREALONGA

2010-02-07T00:19:00.002+01:00

Así quixemos celebrar o día da Paz, todos xuntos cantando unha canción que fala dos amigos. Foi estupendo e pasamolo de maravila. Fixemos moitas máis cousas como correr pola paz, un montón de murais e cada un tiña a súa pombiña de papel que logo levamos para casa para recordar que a a Paz temos que coidala e prourar que nunca nos falte.
Queremos compartir un anaquiño deste día con todos vos así que aquí deixamos a canción e o baile para que disfrutemos un pouquiño todos xuntos.

ARRANCA A BIBLIOTECA DO PIÑEIRIÑO!

2010-01-25T17:27:00.005+01:00

Despois dun arduo traballo por parte dos membros do equipo de Biblioteca do Piñeiriño, @s nen@s están xa disfrutando e saboreando o pracer da lectura! O esforzo de todas valeu a pena... @s nen@s estaban desexando poder levar en préstamos todos os fondos cos que contamos na nosa biblio, esperamos de verdade que o disfrutedes! Aquí estamos esperándovos a tod@s! Un saudiño

As nosas tradicións

2010-01-08T17:59:00.003+01:00

O equipo de Normalización da Lomba quixo que tódalas familias traballaran en torno ó Magosto e Samaín para elo enviou unha nota ás casas para pedir a colaboración. Non nos sentimos defraudados, tivo unha boa acollida, o taboleiro da entrada quedounos curto. As nosas tradicións seguen vivas e sería bo para todos que non se perderan. Grazas pola vosa participación e esforzo.

Os Bolechas

2010-01-08T17:15:00.008+01:00

Estamos a 21 de decembro e non debemos esquecer na carta ós Reis Magos a petición dun bo libro,os Bolechas son unha aposta segura. O alumnado do 1º ciclo de Vilagarcía puido asistir no Auditorio á presentación do libro sobre Vilagarcía, cada neno conseguiu un exemplar e puido coñecer ó escritor, Pepe Carreiro, que lles deu unhas clases de debuxo.A biblioteca da Lomba non quedou sen o seu exemplar adicado, como podedes ver na foto.

Os contos clásicos

2010-01-08T13:17:00.004+01:00

Neste primeiro trimestre, guiados polo Equipo da Biblioteca e coa colaboración do resto dos Equipos do centro (Actividades Extraescolares, Normalización Lingüística, Tic), estivemos a traballar os contos clásicos. Algunhas das actividades que realizamos foron as seguintes:
. Exposición na entrada da Biblioteca de contos clásicos.
· Lectura de diferentes versións dos contos, fixándonos na estrutura dos mesmos (inicio, nó e desenlace).
· Contacontos por parte dos alumnos/as a nenos/as de outros niveis.
· Reescrición e ilustración dos contos traballados por niveis: Educación Infantil (A Ratiña Presumida); 1º ciclo de Primaria (Os cisnes salvaxes); 2º ciclo (Os sete cabritos) e 3º ciclo (O perscador e a súa muller), utilizando diferentes formas de reescribilo.
· As personaxes dos contos: no primeiro ciclo elaboráronse libros coas personaxes do conto dos "Cisnes salvaxes", facendo unha descrición de cada un deles.
· A biografía dos autores: dos irmáns Grimm, Perrault, etc.
· Representación teatral e de títeres o día do Festival de Nadal.
O Equipo de Actividades Extraescolares colaborou facendo as diferentes personaxes dos contos para ambientar o colexio, ademais, dun diaporama para reprensentar o Belén chamado "Un belén de conto", no que aparecen as distintas personaxes dos contos, elaboradas polos nenos de todos os niveis.
O Equipo de Normalización Lingüística sacou unha edición especial de "A Escardia la", na que se recolleron os diferentes traballos elaborados polos nenos/as.

PARA LER NO NADAL

2010-01-04T22:55:00.005+01:00

Libros grandes, pequenos e medianos, de aventuras, de paisaxes, de sentimentos, de todas as cores e de todos os xeitos, para disfrutar e soñar, para rir e para emocionarse, para agasallar e para que che os traian os reis, se te portaste ben...disfrutaremos deles a solas ou con compañía, sentados, de pe, deitados ou patas arriba, pola mañán a mediodia, pola tarde ou pola noite,como se nos ocurra ou nos pareza, agora que imos ter tempo.
BO NADAL

Mochilas viaxeiras

2009-10-29T22:55:00.003+01:00

Unha vez máis, a nosa mochila viaxeira xa está en activo. Este ano, como en anteriores, a mochila vai cargada con material de diferente tipo: poesías, contos, DVDs ...e un bloc no que poden anotar as súas impresións tanto os nenos coma os pais.
Os nenos estaban agardando este momento con moita ilusión.

Día da biblioteca

2009-10-28T22:22:00.007+01:00

Esta semana, celebrando o día da biblioteca,24 de outubro, no colexio da Escardia estanse a facer varias actividades:
-Presentación da MALETA VIAXEIRA. Dende o luns a maleta foi de clase en clase. Dentro da maleta hai unha carta escrita pola mascota,"O Pirimpompolo" na que explica o seu contido así como o seu cometido.
-Adiviñas que irán aparecendo o longo da semana.Estas adiviñas etán relacionadas cos contos clásicos; cada día da semana nun expositor que está na entrada da biblioteca, irán aparecendo tres adiviñas por niveis. Na clase buscarase cal é a portada do conto e a continuación lerase.

DONDE VIVEN LOS MONSTRUOS: en el cine.

2009-09-23T18:31:00.005+02:00

No Nadal estrenarase unha adaptación ao cine deste libro "Donde viven los monstruos" dirixida por Spike Jonze.

DONDE VIVEN LOS MONSTRUOS.

2009-09-23T18:23:00.003+02:00

Neste video podes ver o clásico "Donde viven los monstruos" de Maurice Sendak, onde nos conta a viaxe interior dun neno para dominar os seus medos.

UNHA CATÁSTROFE MOI AFORTUNADA

2009-08-04T10:38:00.002+02:00

Recomendamos este libro que podes oir picando no enlace:
http://www.ducotedesfilles.org/es/anims/flashdeluge.html

VACACIÓNS E LIBROS

2009-07-10T14:06:00.011+02:00

Tempo de descanso e tempo de lecturas. Aquí vos deixo algunhas imaxes para o verán e os libros:

Compartir

Zambullirse

Imaxinar

Nadar

EN DEFENSA DA LINGUA

2009-06-24T23:03:00.001+02:00

en defensa da lingua
polo dereito de aprender
en galego
Concentración en Cambados

Paseo da Calzada
Xoves 25 de Xuño, 8.30 da tarde
CONVOCAN: ANPAS do Salnés, Colectivo CASAESCOLA, Departamentos de NL,Coordinadora de ENDL dos IES do Salnés,
Asociación de ensinantes CANDEA, ASPG, NEG, AGXPT, CCOO, CIG, SGTE, UXT

Ramón Cabanillas

2009-05-25T22:09:00.007+02:00

http://http://www.farodevigo.es/secciones/noticia.jsp?pRef=2009052100_17_329410__Portada-de-Arousa-educacion-Salnes-rinde-homenaje-poeta-Cabanillas
O colexio da Escardia, xunto con outros colexios do Salnés,da man da asociación Candea participou na homenaxe que se lle rinde este ano a Cabanillas na elaboración dun libro conxunto,recompilación dos traballos feitos polos nenos.

Letras Galegas

2009-05-19T13:51:00.002+02:00

Para rematar a celebración da semana das letras galegas, fíxose a presentación dos diferentes traballos feitos polos nenos/nenas de cada curso (power point, vídeos en flash player, movie maker) e todos poideron disfrutar das elaboracións dos outros compañeiros.

MARIO BENEDETTI: SEMPRE NOS QUEDARÁ A TÚA OBRA.

2009-05-18T17:54:00.004+02:00

Os amantes da boa poesía e da literatura quedamos orfos. Un dos mellores poetas do noso tempo xa non nos poderá deleitar coas súas novas creacións.
Mario Benedetti, uruguaio de nacemento e cidadán do mundo de vocación, despois dunha longa enfermidade, deixa o noso mundo cun legado de obras marabillosas. Coa súa linguaxe sinxela e directa foi quen de chegar ó corazón de todos nós. E, a todos aqueles que non o coñezan, animámosvos a descubrilo.
Grazas, Benedetti, por facer máis fermoso cada momento.

Gústavos a poesía? Envíanos a túa preferida.

DÍA DAS LETRAS GALEGAS

2009-05-15T16:57:00.003+02:00

Hoxe, no CEIP de Rubiáns, co motivo do Día das Letras Galegas visitáronnos uns títeres que nos fixeron rir un bo anaco.

Para a vindeira semana tamén celebraremos un Festival.

2009-05-14T22:31:00.001+02:00

BANCO DEL LIBRO

2009-05-10T09:21:00.004+02:00

Nesta páxina hai libros moi interesantes que poden formar parte da nosa biblioteca. Sempre nos veñen ben algunhas suxerencias. Se tí tes algunha, anímate e envíanola. http://www.bancodellibro.org.ve/ganadores_2009/mejores2009_flash.html

23 de abril, día do libro

2009-05-07T22:12:00.004+02:00

As alumnas,alumnos,mestras e mestres da Lombra quixeron recomendar libros, expuxemos estas recomendacións no taboleiro e agora témolas na biblioteca.

Que libro nos recomendarías ?

Visita a Cortegada

2009-05-07T21:51:00.003+02:00

Estivestes algunha vez en Cortegada? Sabedes onde queda?A que parque natural pertence?...

Os alumnos e alumnas de sexto da Lomba poden contestar a estas preguntas.Estiveron buscando información sobre Cortegada, para elo se axudaron de folletos da oficina de turismo, enciclopedias, Internet e información doutras persoas. Hoxe puideron ir a Cortegada e recorrer esta illa tan bonita e cercana.

Os acompañantes comprobamos que a información que recolleran quedoulles nas súas cabezas, ainda que a plasmaron por escrito con anterioridade para consultala de vez en cando.

Coplas de maio

2009-05-07T09:33:00.005+02:00

Como remate de todo traballo adicado a poesía aproveitamos a celebración do 1 de maio para elaborar as coplas típicas que neste día os nenos do colexio de A Escardia cantan ao mesmo tempo que mostran os maios que fixeron coa axuda de toda a comunidade educativa. O maio era un precioso paiaso nunha pista de circo que convidaba a poñer un sorriso á vida.

Animación á lectura | IES Lamas de Castelo

2009-05-05T21:01:00.000+02:00

Animación á lectura | IES Lamas de Castelo

Plástica no terceiro ciclo

2009-04-27T19:13:00.004+02:00

No colexio de A Lomba os alumnos de sexto estiveron elaborando nas clases de Plástica material para contar contos ós alumn@s de infantil e primeiro ciclo. Traballaron en grupos de cinco nen@s. A cada grupo dábaselle un conto e debían decidir a técnica a empregar, o material necesario, elaborar os personaxes e escenarios e logo ensaiar a representación. O punto final poríao a escenificación para os alumn@s máis novos do centro. Este proxecto levounos un trimestre e foi moi positivo. Dentro dos grupos había dous nenos autistas que cumpriron co seu papel, esta experiencia permiteunos integralos dentro da clase de Plástica.

VISITA Á BIBLIOTECA DE VILAGARCÍA

2009-04-23T23:11:00.009+02:00

O día 19 de abril os nenos/as de 1º e 2º do CEIP de Rubiáns fomos á Biblioteca Pública de Vilagarcía. Alí ensináronnos como funciona e déronnos unha folla para facernos socios.

Ademais unha contacontos contounos a historia da "Casa de cartón" de Concha Blanco. Gustounos moito. Recomendámosvos este libro. Vaivos gustar!!!

DÍA DO LIBRO

2009-04-23T16:47:00.011+02:00

A celebración do Día do Libro comenzou na Escardia coa visita de Anxo Fariña. Nesta visita, o autor e ilustrador de libros como Megatoxos, Os magos das formas, A monstroescola..., faloulles de como foran os seus inicios.
Cos nenos indicoulles como facer algúns monstros.
Para o propio día, fíxose un cartel anunciador; os nenos/as escribiron nun díptico a recomendación dun libro. Máis tarde, metéronno nunha caixa para posteriormente ser elixido por outro neno/a. Esta actividade é común a maioría das escolas de Vilagarcía, xa que foi proposta polo grupo de traballo de bibliotecas.

COMODÍN

2009-04-21T19:06:00.005+02:00

Ola! son Comodín e vivo na Biblioteca metido nun calcetín.

Así me atoparon os nenos do Arealonga e pedironme que quedara a vivir aquí. Pareceume moi boa idea, así que eu máis a miña amiga araña Teque imos axudar aos nenos e nenas do Arealonga para que a súa Biblioteca sexa moi divertida.

Mirade esta é Teque:

Vemonos na biblioteca do Arealonga. Ata pronto.

Encontros

2009-04-21T17:29:00.003+02:00

Neste fin de semana varias profesoras do grupo de traballo, participamos nos encontros do Plan de Mellora de B.E. celebrados en Santiago de Compostela. Estiveron do máis interesantes, non só polo que nos aportaron os diferentes ponentes senón polas experiencias compartidas coas diferentes compañeiras.

Día do libro. Sant Jordi

2009-04-21T00:24:00.000+02:00

Curioso o artículo publicado no País o sábado 18, escrito por Use Lahoz sobre o día do libro.

Sant Jordi · ELPAÍS.com

As nosas actividades

2009-04-15T21:28:00.003+02:00

Durante este trimestre no colexio fixéronse actividades nas que traballamos a poesía, elexíronse diferentes poemas (en galego e en castelán) de autores coñecidos (García Teijeiro, Rosalía de Castro, Antonio Machado....). Empezamos tratando poesías de amor. Tiñan que diferenciar neses poemas a que tipo de amor facía referencia (fraternal, a terra, a vida......), continuamos con poesías que trataban outros temas.

Día do libro infantil

2009-04-07T19:30:00.003+02:00

Con motivo do día do libro infantil, día 2 de abril, no noso colexio fíxose un cartel alusivo a un dos libros de Hans Christian Andersen titulado " La reina de las nieves". Nese mesmo día na hora da lectura os nen@s de 5º e 6º pasaron polos diferentes cursos e leron contos como: O parruliño feo , O soldadiño de chumbo...A actividade resultou moi interesante, incluso algún neno leu un conto en inglés.

2009-04-06T19:11:00.002+02:00

Tachaaaaaaaaan!!!!!!!!!!!!
Señoras e Señores, nenos e nenas, cans e cadelas, gatos e gatas, ratos e ratas…
Presentámoslles a…

O incrible neno devorador de libros!!!A Henry encantábanlle os libros, pero non como a ti e a min, non.... a Henry encantáballe COMER libros!!!

O autor deste libro é Oliver Jeffers
E a adaptación ao galego é de Óscar Villán e Antón Suárez.

2009-04-05T09:16:00.004+02:00

O día 2 de Abril, día do nacemento de Hans Christian Andersen, celebrouse o Día Internacional do Libro Infantil. Cada biblioteca organizou actividades de lectura, contacontos, visitas... Todos os anos publícase un cartel e unha mensaxe dun escritor recoñecido. O deste ano é especialmente bonito; é unha pena que non nos cheguen aos centros escolares. Pero aquí o poñemos para que poidades velo dende o blog.

EU SON O MUNDO

Eu son o mundo, e o mundo son eu,

porque a través dos meus libros

podo ser o que queira.

Palabras e debuxos, prosa e verso

trasládanme a lugares que están

lonxe e preto ao mesmo tempo.

Na terra dos sultáns e do ouro,

mil historias que falan de alfombras voadoras,

xenios de lámpadas marabillosas,

sacaúntos e simbades,

cóntalle os seus segredos a Sherezade.

Con cada palabra de cada páxina,

viaxo no espazo e no tempo.

E coas ás da fantasía,

o meu espírito cruza o mar e a terra.

Canto máis leo, máis comprendo

que co meu libro estarei sempre

na mellor das compañas.

Hani D. El-Masri

2009-04-04T22:07:00.003+02:00

No grupo de traballo "Bibliotecas escolares de Vilagarcía" estivemos falando dos itinerarios lectores en Educación Infantil. Consideramos que o libro "El pez arco iris" debería estar neste itinerario. Pois acabo de atopar un vídeo deste conto en youtube contado polos nenos, e que me parece precioso. Aquí vai o enlace:http://www.youtube.com/watch?v=lMYbmKXK5NA

Visita de Mau e Pin

2009-03-30T17:15:00.006+02:00

Visitáronnos o autor e ilustrador Mau e Pin, dos libros Xelo, Hugo e Mariquiña,da Editorial Xerais. Pasaron unha xornada cos nenos e nenas de Educación Infantil e primeiro ciclo de Educación Primaria.
Para o ciclo de Educación Infantil, os autores decantáronse pola historia do galo Peiteado que estaba namorado de María a pita e poñíase en contacto cunha andoriña, Mariquiña, para que lle levase unha carta de amor.
Os nenos e nenas estiveron encantados e fixáronse moito no ilustrador e no debuxo tan fermoso que fixeron do galo.
A actividade no primeiro ciclo tamén foi moi amena e divertida. Os nenos e nenas aprenderon a debuxar a personaxe de Mariquiña, indo pouco a pouco, para máis tarde contarlle a historia do galo. Para rematar os nenos fixéronlles preguntas que contestaron os autores.

Mochilas viaxeiras

2009-03-18T11:34:00.002+01:00

O mércores 11 de marzo o CEIP A LOMBA puxo en marcha as mochilas viaxeiras nos cursos de 6º A, B e C. A finalidade destas mochilas e dar a coñecer os fondos da nosa biblioteca e implicar a toda a familia.

Incluímos un CD- ROM, un DVD, un xornal, folletos informativos, un libro informativo, un poema de Rosalía de Castro, un libro e unha libreta para escribir opinións e suxestións.

As mochilas permanecen cinco días nas casas.

"Capitán Calzoncillos"

2009-03-08T18:49:00.004+01:00

Na biblioteca do CEIP A LOMBA temos libros do "Capitán Calzoncillos", pero os alumnos e alumnas non estaban enterados. Ó equipo da biblioteca ocorréusenos que tiñamos que facer publicidade; así pois puxémoslle unha capa que levaba a este personaxe debuxado a Ana Abalo Barba, unha alumna de 6º, e ésta adicouse a ir polas clases de 2º, 3º, 4º, 5º e 6º dicindo que na biblioteca podían topar libros deste heroe.

Foi moi divertido e pensamos que vai a dar resultado. Tamén fomos polas clases explicando que se querían topar estes libros tiñan que coñecer o apelido do escritor, e así lembramos a colocación dos libros dentro da biblioteca. Por certo, o escritor chámase DAV PILKEY.

Repartimos un folio en cada clase con instruccións para debuxar a este superheroe.

Anxo Fariña

2009-02-17T22:04:00.005+01:00

Non sei se oistes falar dos Megatoxos, pois xa estades buscando información.

Os nenos e nenas de 5º e 6º do CEIP A LOMBA son fans destes catro rapaces que ten superpoderes porque se pincharon cun toxo. Este ano leron o libro número dous(Os Megatoxos e a espada esmeralda) e algúns que non coñecían o primeiro(Os Megatoxos e o aprendiz de druída) tamén o leron.

O venres 13 de febreiro coñeceron ó creador destes personaxes e enteráronse de onde xurdiu a idea. Tamén sabemos que haberá pronto un número tres e que a Anxo Fariña, que así se chama o escritor,lle gusta o café e escribir en cafeterías de Vigo.

Na foto aparece mostrándonos o seu caderno de apuntes.

Rosalía

2009-02-16T22:57:00.003+01:00

O CEIP A LOMBA xa ten mascota, chámase Rosalía. Foi elexida mediante un concurso de mascotas no que participaron un montón de alumnos e alumnas. Foi difícil escoller, pero ó final gañou o debuxo de Nuria Regueiro, unha nena de 4º de primaria.

Á nosa mascota gústalle a poesía e neste intre temos convocada unha actividade na que hai que facer pareados.

A biblioteca do CEIP A LOMBA

2009-02-16T16:34:00.005+01:00

Este curso estreamos novo edificio e, polo tanto, nova biblioteca. Foi un duro comezo, cheo de paquetes, atrancos e mudanzas. Por fin estamos empezando a ver claridade e sentímonos orgullosos do noso traballo.

Queremos mostrarvos unha parte do noso colexio, a nosa biblioteca, que despois de catro longos ou curtos meses, según se mire, pensamos que está empezando a coller forma. Esta é a zona de consulta.

2009 ANO DE CABANILLAS

2009-02-03T22:31:00.003+01:00

Panel do colexio

Por iniciativa de Candea ( Asociación de Ensinantes do Salnés ) moitos colexios da zona traballamos sobre Ramón Cabanillas e a súa obra. Cada centro elaborou unha obra plástica inspirada nos poemas do autor, e todas elas forman unha exposición homenaxe a Cabanillas que percorre a bisbarra. O noso centro acolle dita exposición a semana do 2 ao 6 de Febreiro. Animamos á comunidade educativa a visitala.

Dia da Paz

2009-02-03T22:00:00.008+01:00

Poema conxunto da Paz

CAMIÑAMOS POLA PAZ

Compartindo un sorriso
camiñamos pola Paz

Sen dar patadas e pelexar
camiñamos pola Paz

Queréndonos moito
camiñamos pola Paz

Para que reine a alegría
camiñamos pola Paz

De día e de noite, todos xuntos
camiñamos pola Paz

Escoitando e falando cos demais
camiñamos pola Paz

Coa túa man e a miña
Camiñamos pola Paz

Sen violencia de xénero e inxusticia
camiñamos pola Paz

Xa estamos fartos de guerra e fame
camiñamos pola Paz

Con bondade e solidariedade
camiñamos pola Paz

C.E.I.P. Escardia

Este ano para celebrar o Día da Paz, no colexio realizamos unha serie de actividades encamiñadas a desenvolver esta data centrándonos principalmente no traballo sobre a POESÍA.

Coa axuda das familias, recompilamos todo tipo de textos relacionados coa Paz: poesías, cancións, frases,.....Espuxémolas en varios murais nos corredores do colexio.

Nas aulas traballamos coas poesías:

-realizamos poesías individual e colectivamente

-memorizámolas

-completamos versos

-dado un verso inventamos outro por clase para confeccionar o poema conxunto do colexio e que foi o noso manifiesto para este día.

Depende de tod@s nós!

2009-01-31T22:31:00.004+01:00

Así celebramos o día da Paz no Vagalume e queremos compartilo con tod@s os que nos seguides e nos ledes. Unha aperta.

MERRY CHRISTMAS

2008-12-13T22:18:00.002+01:00

BOAS FESTAS!

2008-12-13T11:40:00.005+01:00

Aquí estamos tod@s @s do Vagalume e queremos desexarvos unhas FELICES FESTAS E UN BO ANO NOVO!

O APALPADOR

2008-12-12T20:22:00.006+01:00

NO NADAL CHEGA O APALPADOR OU APALPABARRIGAS

Algunhas entidades culturais galegas están colaborando na recuperación dun personaxe da tradición popular do Nadal: O Apalpador En diversas comarcas da alta montaña do leste de Galiza, así como en diversos puntos do oeste do Bierzo, mantíñase ata datas moi recentes a tradición do Apalpador: un xigante con oficio de carboeiro que, durante as datas do Nadal, baixaba das montañas onde vivía ata as aldeas, coa intención de apalpar as barrigas dos máis pequenos das casas, para comprobar se estaban ben mantidos.O Apalpador vixiaba que comesen ben e desexáballes un novo ano no que seguisen sen pasar fame, deixando como agasallo unhas cantas castañas quentes para que lembraran a súa visita.A tradición, recollida por José André Lôpez Gonçález nas comarcas do Courel e do Cebreiro, reflicte a conexión desta figura con outras semellantes como o Olentzero, o Pai Inverno ou o propio Papá Noel. Crese que se trata dun costume de orixe precristiá que no seu momento debeu estar estendido por todo o país e que foi desaparecendo progresivamente. (Extraído de Vieiros.com) O artista de Neda, Leandro Lamas deseñou a preciosa imaxe que se está a empregar na campaña para a recuperación de O Apalpador.

Mochilas viaxeiras

2008-12-11T22:30:00.002+01:00

No colexio da Escardia empezaron a circular fai un par de semanas as mochilas viaxeiras; este ano a diferenza do ano pasado é que faise a actividade en cada un dos cursos dos diferentes niveis. Na mochila vai material de diferente tipo: libros (narrativos, informativos, cómics), CD, DVD, ...incluso un bloc no que os nenos poden plasmar tanto as súas impresións sobre a mochila
cómo outras cousas que eles consideren oportunas. Nestas primeiras semanas a mochila foi acollida cun gran éxito.

Día dos dereitos humanos

2008-12-10T22:43:00.003+01:00

¡Unha imaxe vale máis que mil palabras!

Sesenta aniversario da declaración dos dereitos humanos.

CLUB DE LECTURA INFANTIL

2008-12-07T19:05:00.003+01:00

CLUB DE LECTURA INFANTIL

2008-12-03T21:35:00.003+01:00

Día da biblioteca

2008-10-30T18:04:00.005+01:00

Para celebrar o día da biblioteca, 24 de outubro, no noso centro fíxose unha actividade na que os principales obxectivos eran: formación de usuarios e a educación documental. Dita actividade consistía nun xogo no que participaron todos os alumn@s do colexio.
Este xogo empezou durante a semana recibindo cada clase unha carta na que se explicaba a desaparición de Pirimpompolo (mascota), e as pistas que tiñan que seguir para atopala, si no tempo establecido non a atopaban a biblioteca cerraría par sempre. Así mesmo na porta da biblioteca apareceu unha nota anunciando este acontecemento.

II ENCONTROS CASAESCOLA

2008-10-14T18:08:00.004+02:00

II Encontro do Colectivo Casaescola

QUE CONTAR, COMO CONTAR, QUE LER
Do 20 ao 24 de outubro no Auditorio de Vilagarcía

Horario:

De 19,00 a 21,30 horas na sala de conferencias

NOTA: Co mesmo horario haberá no mesmo edificio un servizo de monitores para o coidado dos fill@s para facilitar a asistencia de nais e pais ao curso.

Animadevos e inscribiros seguro que o pasamos ben.

Para maís información podedes entrar no blog de casaescola.

http://www.blogoteca.com/casaescola/

A nosa mascota

2008-10-09T12:38:00.006+02:00

A nosa mascota xa ten nome, chámase Pirimpompolo.

Tamén ten unha bonita canción, aquí tendes a letra e máis a música:

Ven á biblioteca

Ven á biblioteca

imos todos a ler

co Pirimpompolo

eu disfrutarei.

Libros de aventuras

de medo tamén

vén á biblioteca

pra pasalo ben.

Vai facer deberes

ou ler en inglés

o Pirimpompolo

alí che quere ver.

Estará moi ledo

vai bater as ás

o Pirimpompolo

moi feliz será.

LETRA E MÚSICA: Mónica Alba

Interpretes: 6ºB

Hoxe no colexio fíxose unha presentación da mesma. Os nenos de 6ºB cantaron moi ben a canción de Pirimpompolo. A letra e a música foron compostas pola profesora de música Mónica Alba e foi interpretada polos nen@s de 6ºB. A presentación tivo gran aceptación por parte de todos os alumn@s do cole.

Nos diferentes cursos faranse composicións (rimas, poesías, contos,,,) adicadas a Pirimpompolo.

HISTORIA DE PIRIMPOMPOLO

A mascota foi elexida nun concurso no que participaron todos os cursos do colexio. Os diferentes debuxos estiveron espostos nos ventanais. O elexido foi o de Carlos Parracho (6ºB)

2008-10-04T17:26:00.007+02:00

Saúdos e apertas dende o CEIP Vilaxoán. Empezamos o curso con moitas actividades en Vilagarcía en torno á lectura:

O colectivo casaescola (www. blogoteca. com/casaescola/) puxo en marcha os clubs de lectura. En setembro foi o de adultos coa autora Anxos Sumai e o seu libro "Así nacen as baleas". O club de lectura de Infantil será en Decembro e contaremos con Chema Heras e Xulio Gayoso.
Os días 21, 22 e 23 de Outubro celebraranse os "II Encontros casaescola" que contarán coa presencia de Federico Martín, Rodorín e Quico Cadaval.
En novembro a editorial Kalandraka en colaboración con Política Lingüística e o Concello, ofrecerá contacontos e obradoiros de escritura creativa para todos os centros de primaria de Vilagarcía.
E no CEIP Vilaxoán empezamos este curso coa actividade "Hora de ler". Todos os días despois do recreo e durante 30 minutos, os alumnos e alumnas e as profesoras len en silencio. Os nenos e nenas poden escoller libros da biblioteca de aula ou do centro, ou traer dos que teñen na casa. Todos disfrutamos coa lectura.

Como vedes o trimestre ben cargadiño de actividades. Tamén o 17 e 18 de Outubro imos a Santiago aos encontros de bibliotecas. E xa non falo do 2º trimestre cando empecemos co grupo de traballo. E todo por amor a... á lectura, por suposto.

De volta o colexio

2008-09-05T19:42:00.003+02:00

Ola a todos!, xa estamos de volta, preparando as cousas para o comezo do novo curso. A nosa biblioteca está un pouco destartalada, necesitaba unha man de pintura e decidimos que era importante darlle unha imaxe nova, cambiándolle de cor.
Esperamos que vos guste.
Un saúdo e esperamos contar coa vosa visita.

O Mellor Lector/a.

2008-06-29T21:50:00.004+02:00

No Festival de Fin de Curso, no CEIP de Rubiáns, para animar a ler, a ANPA agasallou cun libro ó/á mellor lector/a de cada clase. Na fotografía vedes a entrega de premios.

Desexámosvos unhas boas vacacións e en setembro seguirémosvos contando as nosas experiencias. Un saúdo.

2008-06-29T21:48:00.001+02:00

¡BO VERÁN!

2008-06-20T09:33:00.002+02:00

Dende o VAGALUME queremos desexarvos a tod@s un ¡BO VERÁN! e decirvos que vos esperamos a tod@s aquí para o curso que ven. Non deixedes de disfrutar coa lectura dun bo libro... hai tempo para todo... ¡aproveitádeo! Bicos e ata setembro.

A mochila viaxeira

2008-06-18T10:52:00.004+02:00

Este ano fíxose na Escardia unha actividade para fomentar a lectura, chamada "A MOCHILA VIAXEIRA" que no seu interior levaba material diverso (libros, revista, bloc, DVD, película...)
que os nenos de 6º eliximos. A actividade consistía en levar a mochila para a casa durante unha semana, tempo que aproveitamos para ver o contido da mesma. Ao rematar escribimos as nosas opinións, suxerencias,... sobre o contido da mochila no bloc.
Aquí tendes algunhas opinións moi interesantes sobre a mesma.

Olimpiadas 2008

2008-06-15T20:25:00.004+02:00

Na Lomba queremos celebrar por todo o alto o remate do curso e este ano pensamos que unha boa despedida sería realizando xogos olímpicos nas pistas de Fontecarmoa. Estamos preparndo medallas para tod@s, cada neno ou nena fai a súa con galleta e papel de prata. Temos un himno, dorsais e ata bandeiras, se queredes podedes asistir de público. Tal acontecimento terá lugar o xoves 19 pola mañán.

Pekín non nos fará sombra.

Viaxe de fin de curso

2008-06-15T20:11:00.003+02:00

Os alumnos e alumnas de quinto curso da Lomba fixeron unha visita os concellos de Silleda e Lalín para ver O Pazo de Oca, a Fervenza do Toxa e o mosteiro de Carboeiro. As semanas anteriores dedicáronse a buscar información sobre estes lugares e publicárona no blog http://blogs.prensaescuela.es/blog/blog2770/. A verdade é que disfrutaron un montón, subiron as rochas, perderon un zapato, molláronse, pasaron medo, xogaron as agachadas...

VISITOUNOS ÁNXELES FERRER

2008-06-14T16:04:00.004+02:00

O martes, 3 de Xuño, no CEIP Vilaxoán tivemos a visita da ilustradora e escritora Ánxeles Ferrer. Os alumn@s de 2º e 3º ciclo xa leran moitos dos seus libros e fixéronlle moitas preguntas. Deixounos algúns dos seus debuxos, falou da súa técnica e presentounos o seu último libro "Aiko", que nos gustou moitísimo.

CONTACONTOS NO AREALONGA

2008-06-09T22:53:00.004+02:00

Ana e Carla, dúas nenas de 6º, fixeron as ledicias dos nenos de 1º coa lectura escenificada do conto "A caixa máxica" e algún xogo que levaron preparado para despoís do conto.
Elas foron unhas das contacontos de 6º que, dende a biblioteca do Arealonga, prepararon contos e historias, que logo lerón diante dos maís pequenos.
Dende aquí queremos darlles as grazas e animal@s a tod@s a que repitan esta experiencia de animación á lectura coa que tanto disfrutamos.

FESTIVAL NO AREALONGA

2008-05-28T17:04:00.004+02:00

Co gallo das Letras galegas celebramos un festival no cole no que participamos todos. Pasamos unha mañá estupenda.
Para que nos acompañedes ahí deixamos as pandereteiras de 2º cantando "O Verdegaio"

E por se queredes cantar con elas ahí vai a letra:

Meu caño, meu cañonciño
todos lle chaman pequeno
a min paréceme grande
polo cariño que teño.

O do verdegaio o de ras-tras-tras
quero o meu amor quero o meu rapaz,
o do verdegaio o de rus-trus-trus
quero o meu amor quero o meu Xesús.

Vai tu, vai tu, vai ela,
vai tu pra casa dela,
vai tu, vai tu, vai ela
vai tu pra casa dela.

O trasno das letras

2008-05-28T13:24:00.005+02:00

O 16 de maio, un día antes das Letras Galegas, "O trasno das letras" chegou ao colexio "A Escardia" e deixou todo desordenado: sillas tiradas, regras polo chan, papel de baño polas mesas, paraugas ciscados...

Deixounos 6 libros para cada clase e un marcapáxinas para cada un.

Tino Baz en concerto

2008-05-27T22:20:00.003+02:00

O equipo de normalización Lingüística da Lomba organizou un concerto didáctico no auditorio de Vilagarcía para conmemorar o día das letras galegas. Os alumnos e alumnas de infantil, primeiro, segundo e terceiro ciclo desplazáronse ó auditorio por quendas, durante dous días, para asistir a un concerto no que se nos mostraban distintos instrumentos tradicionais galegos. Convidamos ós alumnos e alumnas do centro de especial a asistir a actividade.

Foi todo un éxito.

Charlas de familiares

2008-05-25T22:11:00.005+02:00

Os alumnos e alumnas de quinto estában traballando en Medio o reparto da poboación activa galega por sectores económicos e comezamos a investigar a que sector pertencían os nosos familiares máis próximos. O sector primario é minoritario en Galicia e na clase soamente había unha nai que traballaba nese sector. Decidimos invitala para que nos falara do seu traballo, os nenos e nenas fixéronlle moitas preguntas e todo saeu tan ben que todos e todas querían traer a alguén da súa familia. Establecemos quendas e polo de agora viñeron ó CEIP A Lomba unha mariscadora, dous empresarios, un garda civil responsable de explosivos e presidente do clube dos Leones, un cociñeiro e un científico biólogo, pero a cousa ainda sigue.

DÍA DO LIBRO 2008

2008-05-25T20:42:00.006+02:00

No día do libro, no CEIP Vilaxoán, cada un elexía o libro que máis lle gustara ou fora especial.

Tod@s os alumn@s e profes escribimos o título nun minilibro e colgámolos nunhas cintas polos pasillos. Agora compartímolos con tod@s os compañeir@s. É curioso pero poucos títulos se repiten, dende EI ata 6º teñen moi claro o que lles gusta.

Cartas a Fernando Lalana

2008-05-16T17:34:00.011+02:00

"El viaje de Doble P", "El regreso de Doble P" e "Un megaterio en el cementerio" son os libros de Fernando Lalana que os nenos de 4º de Primaria leron, e están lendo na súa clase e, que triunfaron ata tal punto, que incluso se mandaron cartas ao autor.

Así pois, recoméndanse estes libros ( e outros ) para maiores e pequenos.

APROXÍMASE O DÍA DAS LETRAS GALEGAS

2008-05-14T18:45:00.006+02:00

Durante esta semana, no colexio A Escardia, estamos a dinamizar a lectura tendo como tema central o día das Letras Galegas e o escritor galardonado de este ano, Xosé María Álvarez Blázquez. Para isto contamos con unha exposición de libros do citado autor, diante da biblioteca, para que así en calquera momento nos podamos achegar e coñecer máis de cerca a vida e obra de Álvarez Blázquez. Durante esta semana na entrada do centro, temos colocado o proxector coa pizarra dixital para poder visualizar uns vídeos relacionados coa temática que nos ocupa nestos días. Disfrutade da semana, e non vos esquezades de ler.

Xosé María Álvarez Blázquez

2008-05-13T21:38:00.005+02:00

Este ano o día das letras galegas está adicado a Xosé María Álvarez Bláquez. Se queredes coñecer datos sobre a súa vida, pódovos contar que naceu en 1915 en Tui e morreu en 1985 en Vigo. Traballou de mestre, xornalista, arqueólogo, montou unha fábrica de ladrillos e tellas en Nigrán cos seus irmáns, fundou duas editoriais.Estivo casado e tivo seis fillos, a primoxénita foi unha nena, coñecida co nome de Colorín, a ésta lle adica o seu libro de poemas Roseira do teu mencer.
Esta semana no CEIP A Lomba estamos lembrando a este persoeiro e que mellor forma de recordalo que lendo a súa obra. En dúas quendas diarias os nenos e nenas do cole len por megafonía poemas do libro Roseira do teu mencer. Tamén faremos un mural conxunto cos traballos que se están realizando nas clases.
Na derradeira semana de maio temos pensado asistir a un concerto de Tino Baz que contará no seu repertorio con cancións do libro de Manuel María, Os soños na gaiola.

Honorato, o rato namorado.

2008-05-09T17:16:00.003+02:00

Recoméndovos este libro de Antonio García Teijeiro. Nel o autor fai a súa particular homenaxe a "Fréderik" aquel ratiño poeta.

As palabras énchense de música, e as ilustracións de Manolo Uhía aportan tenrura e simpatía.

Honorato xa está na nosa biblioteca.

O DÍA DO LIBRO

2008-05-05T16:58:00.005+02:00

Os rapaces e rapazas do CEIP A Escardia celebramos o Día do Libro levando a cabo multitude de actividades, entre elas atópanse as seguintes: os nosos mestres e mestras explicáronnos as razóns polas que se celebraba o Día do Libro, tamén realizamos murais como os que podedes ver na fotografía, adicamos un tempo para disfrutar coa lectura de "El Ingenioso Hidalgo Don Quijote de la Mancha", iso si, en distintas versións adaptadas ás nosas idades, dende comics, versións infantís e para os máis maiores a obra orixinal. A verdade é que foi un día moi divertido.

O DÍA DO LIBRO

2008-05-01T13:03:00.007+02:00

O Día do Libro no CEIP de RUBIÁNS, os alumn@s do 2º Ciclo, fixemos moitas actividades. Entre elas inventamos un conto cada un de nós. Logo fixemos fotocopias dos de tod@s e cada un confeccionou a súa portada. Levámolos para a nosa casa, amosámolos a nosa familia e voltámolos para a Biblioteca do Colexio para que os lean tódolos nen@s.

AGRADECEMENTOS ESPECIAIS

2008-04-28T19:50:00.002+02:00

Dende este blog queremos darlle as grazas ó noso compañeiro David do Ceip Arealonga de Vilagarcía pola súa paciencia e a súa especial dedicación para connosco, sobre todo tendo en conta que entre as sete mulleres que somos poderíamolo ter toleado aínda máis. Él botounos unha man para poñer este proxecto en funcionamento... Moitísimas grazas David!!!

PeloGato 24

2008-04-27T21:47:00.005+02:00

Hoxe remataron as actividades de O lectoriño que se celebrában en Vilagarcía desde o mércores 23.

O xoves 24 fíxose a presentación do disco-libro PeloGato 24 por iniciativa do colectivo CASAESCOLA. Eu merquei ese libro e recoméndovolo, pode ser moi útil nos colexios para coñecer cancións e xogos tradicionais ou simplemente para disfrutar da música.